Deputeti i Kosovës, nga radhët e PSD-së, Dardan Molliqaj thotë se drejtori i ri i Policisë së Kosovës, Rashit Qalaj, është njeri i SHIK-ut, shok i Elmi Reçicës dhe person i përfshirë në krimet e Klanit Pronto.
Molliqaj përmes një postimi në Facebook, thotë se, kjo është dëshmia e qartë se çdo qeverisje me PDK-në përfundon në kthetrat e SHIK-ut, shkruan gazeta “Bota sot”.
Ai thotë se shteti nuk çlirohet pa dërgimin e PDK-së në opozitë.
Ja shkrimi i tij:
NUK KA SHTET DEMOKRATIK ME SHIK-un NË QEVERISJE
Rashit Qalaj, njeri i SHIK-ut, vartës dhe shok i Elmi Reçicës, person i përfshirë në krimet e Klanit Pronto, është bërë drejtor i Policisë së Kosovës.
Kjo është dëshmia më e qartë që çdo qeverisje me PDK-në përfundon në kthetërat e SHIK-ut.
Shteti po vazhdon të mbahet i kapur e i kriminalizuar dhe nuk do të çlirohet pa dërgimin e PDK-së në opozitë dhe Klanit Pronto në burg.