Kryeministri i Kosovës, Ramush Haradinaj, ka thënë se qeveria ka marrë vendim që eshtrat e Kolonel Ahmet Krasniqit të kthehen në vendlindje, përcjell Bota sot.
Këtë e ka bërë të ditur përmes një postimi në llogarinë e tij në Facebook, ku ka publikuar foto nga takimi me këngëtaren Leonora Jakupi, babai i të cilës dëshmori Qazim Milazim Jakupi, është i varrosur me Kolonel Krasniqin.
Haradinaj ka thënë se e ka siguruar Leonorën se edhe babai i saj do të prehet në vendlindje.
Postimi i tij i plotë:
Pas përfundimit të suksesshëm të rivarrimit të dëshmorëve dhe heronjve nga Polaci në Marinë, Qeveria e Kosovës ka marrë vendim për kthimin e eshtrave të Kolonel Ahmet Krasniqit në vendlindje. Duke qenë se, dëshmori Qazim Milazim Jakupi, është i varrosur me Kolonel Krasniqin, të bijën, këngëtarën e mirënjohur Leonora Jakupi e sigurova se edhe babai i saj do të prehet në vendlindje, sipas amanetit të tij dhe dëshirës së familjes.
RH.
