Analisti Faik Krasniqi, ka komentuar dritën e gjelbërt nga LIBE për liberalizimin e vizave për qytetarët e Kosovës.
Krasniqi ka thënë se me liberalizimin e vizave, Kosova do të zbrazet, pasi sipas tij, më shumë se gjysma e popullatës do të lëshojnë vendin.
Ai ka theksuar se si pasojë do të bie buxheti dhe se do të largohen nga skena politike, ata që kanë sunduar tash e dy dekada në vend, përcjell Bota sot.
Reagimi i plotë:
Me liberalizimin e vizave do të zbrazet Kosova. Më shumë se gjysma e popullatës do ta lëshojnë këtë vend. Në këtë vend do të mbesin vetëm pleq e plaka dhe politikanët që Kosovën e duan vetëm për ta plaçkitur. Bie ekonomia, bie buxheti dhe ata që po na sundojnë tash e dy dekada do të largohen vetë nga skena politike, sepse pushteti s'do ju duhet pa para!