Presidenti i Kosovës, Hashim Thaçi përms një postimi në facebook ka bërë thirrje që hetimet për listat e fryra të veteranëve të shkojnë deri në fund.
Tutje Thaçi ka shtuar se qytetarët e Kosovës e meritojnë të kenë qartësi të plotë në këteë proces.
Gjithashtu presidenti i vendit ka thënë se kushdo që mundohet të abuzojë me UCK meriton ndëshkim maksimal të institucioneve të drejtësisë.
Më poshtë mund të lexoni statusin e plotë:
Ushtria Çlirimtare e Kosovës është vlera më sublime e popullit dhe shtetit të Kosovës. Kushdo që mundohet të abuzojë me të, meriton ndëshkimin maksimal të institucioneve të drejtësisë. I ftoj autoritetet e drejtësisë që hetimit për abuzimet e mundshme me listat e veteranëve t’i shkojnë deri në fund. Qytetarët e Kosovës meritojnë të kenë qartësi të plotë për këtë proces të rëndësishëm, në mënyrë që vetëm veteranët e vërtetë të përfitojnë nga përkrahja institucionale. HTH
