Kryetari i Kuvendit Kadri Veseli është takuar sot me Ambasadorin Amerikan në Kosovë, Greg Delawie, me të cilin thotë se ka rikonfirmuar përkushtimin e institucioneve të Kosovës për fazën finale të dialogut mes Kosovës dhe Serbisë, përcjell Bota sot.
Përmes një postimi në llogarinë e tij në Facebook, Veseli ka thënë se SHBA-të mbështesin përfundimin e suksesshëm të dialogut, i cili siguron stabilitet dhe paqe në Ballkan, ndërsa Kosovës i hap rrugë drejt anëtarësimit në OKB, NATO dhe BE.
Postimi i tij i plotë:
Në takim me Ambasadorin Amerikan në Kosovë, Greg Delawie, rikonfirmova përkushtimin e institucioneve të Kosovës për fazën finale të dialogut mes Kosovës dhe Serbisë. Në këtë proces është jetike që si shtet të kemi një konsensus dhe platformë të përbashkët. SHBA-të mbështesin përfundimin e suksesshëm të dialogut, i cili siguron stabilitet dhe paqe në Ballkan, ndërsa Kosovës i hap rrugë drejt anëtarësimit në OKB, NATO dhe BE.
