Gjatë ditës së sotme, deputetja e Lidhjes Demokratike të Kosovës, Teuta Rugova mori pjesë në seancës e thirrur nga pozita, duke dalë kështu kundër vendimit të partisë së saj, e cila kishte vendosur që ta bojkotojë këtë seancë.
E lidhur me këtë, kryetari i Lëvizjes Vetëvendosje, Albin Kurti, ka shkruar se Rugova është marrë peng.
“Kosova është shtet i kapur, kurse Teutë Rugova është e marrë peng para syve të dy milionë qytetarëve”, ka shkruar Kurti, përcjellë “Bota sot”.
Po ashtu edhe shefi i grupit parlamentar të LDK-së, Avdullah Hoti ka kritikuar deputeten Rugova.
“Pjesëmarrja e deputetes Teuta Rugova në seancën e sotme është në kundërshtim me qëndrimin e LDK-së, i cili qëndrim është bërë publik para fillimit të seancës.
Secili deputet i LDK-së duhet të kontribuojë në debatin ku përcaktohen qëndrimet e Grupit Parlamentar të LDK-së, dhe ka obligim t’i respektojë ato qëndrime”, ka shkruar Hoti, përcjellë “Bota sot”.
