Lidhjen e gjatë mes Hashim Thaçit dhe Aleksadër Vuçiqit, po e konsideron si në kohën e mesjetës lideri i Vetëvendosjes, Albin Kurti. Madje, ky i fundit tha se ka mbetur vetëm martesa mes djalit të Thaçit dhe vajzës së Vuçiqit, njësoj si në kohën kur mbretërit shkëmbenin territore, e në fund edhe miqësoheshin.
“Na kanë kthyer në mesjetë, në periudhën e feudalizmit, ku mbretërit merreshin vesh për territoret e shteteve dhe për tokat e tyre. Veç ka mbetur që djali i Hashim Thaçit të martohet me vajzën e Aleksandër Vuçiq dhe jemi tamam sikur para 4-5 shekujve”, ka thënë kreu i VV-së, Albin Kurti, përjcell “Bota sot”.
Vazja e Aleksandër Vuçiq është Milica Vuçiq, e cila edhe ajo njëjtë si djali i Hashim Thaçit, Endriti, nuk janë të frekuentuar shumë në skenën politike.
Në foton më poshtë, transmeton “Bota sot”, është vajza e Aleksandër Vuçiq, Milica.
