Zëvendëskryeministri i Kosovës, njëherësh shef i Nismës Socialdemokrate, Fatmir Limaj, ka folur për planin e presidentit të vendit, Hashim Thaçi, për “korrigjim kufijsh” mes Kosovës e Serbisë.
Limaj ka deklaruar në emisionin “Pressing”, në televizionin T7, se presidenti i ka njoftuar figurat e tjera udhëheqëse të vendit për idenë e tij.
Sipas Limajt, Thaçi u ka thënë të njëjtat gjëra që i ka thënë në deklaratat e tij publike.
“Do bashkimin e Preshevës, siç ka thënë në publik”, është shprehur Limaj.
Sipas tij, në takimet e mbyllura të Thaçit me figurat tjera udhëheqëse të vendit nuk është diskutuar për ndarjen e Kosovës.
“Thaçi na ka thënë se bota po kërkon njohje reciproke me Serbinë”, ka treguar Limaj.