Zëvendëskryeministri i Kosovës, Dardan Gashi ka zbuluar detaje rreth negociatave me Presidentin Hashim Thaçi sa i përket emërimit të Fatmir Limajt, shef të delegacionit kosovar në bisedimet me Serbinë në Bruksel.
“Ne e kemi bindur Presidentin Hashim Thaçi, që Fatmir Limaj të jetë dora e djathtë e negociatave. Pra kemi negociuar rreth 1 muaj e gjysmë se si të shkojmë në negociata”, ka thënë Gashi duke shtuar se zotëri Limaj nuk është aspak i afërt me Thaçin.
Ai thënë se kanë tentuar që pjesë e negociatave Kosovë-Serbi të jetë edhe opozita dhe çfarëdo marrëveshje e nënshkruar të jetë e përbashkët.
