Ky është numri i pjestarëve të Ushtrisë Çlirimtare të Kosovës. Rahoveci kishte më së shumti ushtarë

Aktuale

Ky është numri i pjestarëve të Ushtrisë Çlirimtare të Kosovës. Rahoveci kishte më së shumti ushtarë

Më: 12 shtator 2018 Në ora: 12:17
Foto ilustrim

Sipas një dokumenti që e ka siguruar media, sipas IOM-it dhe OSBE-së, numri i pjesëtarëve që kanë qenë në Ushtrinë Çlirimtare të Kosovës, është dukshëm më i vogël se sa numri që sot kanë marrë statusin e veteranit.

Sipas këtij dokumenti që e posdeon media, ku klasifikimi i ushtarëve të UÇK-së është bërë bazuar nga komuna prej nga vijnë, numri total i ushtarëve të Ushtrusë Çlirimtare të Kosovës ishte 27 mijë e 774.

Qyteti i Rahovecit kishte numrin më të madh të ushtarëve me 2286, e pasuar nga Gjakova me 2081.

Suhareka është në vendin e tretë, me 1876 ushtarë, e pasuar nga Skenderaji me 1750 ushtarë.

Gjithnjë sipas këtij dokumenti të IOM-it dhe të OSBE-së, Prizreni ishte qyteti i pestë me numrin më të madh të ushtarëve, e pasuar nga Gllogovci, Ferizaj, Podujeva e kështu me radhë.

Ndërkaq, gjatë procesit të verifikimit të ish- ushtarëve të UCK-së nga ana e Komisionit Qeveritar, ky numër ka shkuar në 60 mijë.

Prokuroria e shtetit kishte nisur hetimet për këtë rast. Madje, prokurori special, Elez Blakaj kishte bërë të gatshme aktakuzën ndaj udhëheqësve të këtij procesi, mirëpo ai u largua nga Kosova me arsyetimin se po kërcënohej.

Shumica e ish- komandantëve kanë dalë kundër deklaratave të Blakajt. Ish- komandanti i Zonës së Dukagjinit, dhe tani kryeministri i vendit, Ramush Haradinaj e ka quajtur hajn të plulave dhe mashtrues, ish- prourorin Blakaj.

commentFirst article
Sot mund të lexoni Shfletoni kopertinat