Bytyqi: Të gjitha shkollat janë pajisur me libra - Bota Sot
Bytyqi: Të gjitha shkollat janë pajisur me libra

Aktuale

Bytyqi: Të gjitha shkollat janë pajisur me libra

Më: 19 shtator 2018 Në ora: 10:11
Ministri i Arsimit, Shyqiri Bytyqi

Ministri i Arsimit, Shyqiri Bytyqi në emisionin “Zyra e Ankesave”, ka folur për procedurën e shpërndarjes së librave në shkollat e Kosovës.

Bytyqi ka thënë se shpërndarja e librave nga ministria e Arsimit është bërë në të gjitha shkollat e Kosovës.

Sipas tij, nëse ndonjë shkollë ka nevojë ende për libra shtesë, ata mund të bëjnë kërkesë në drejtorit e arsimit në komunat e tyre.

“Sipas procedurave ligjore, librat shpërndahen falas për të gjithë nxënësit. Shpërndarja është bërë në bazë të kërkesave. Nëse ka ndonjë mungesë në ndonjë shkollë të caktuar, procedura duhet të jetë që shkolla duhet t’i bëj kërkesë DKA-së për libra shtesë…”, ka thënë Bytyqi.

Ministri Bytyqi, theksoi se të gjitha librat për nxënësit e shkollave të Kosovës janë falas nga MASHT-i, përpos librit të gjuhës angleze për klasat e 9-ta.

“Gjuha angleze e klasës së nëntë nuk është e pajisur nga ministria, përndryshe të gjitha librat janë nga ministria”, tha ndër të tjera ministri i Arsimit, Shyqiri Bytyqi. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...