Protesta e Vetëvendosjes përfundoi e qetë dhe me muzikë

Aktuale

Protesta e Vetëvendosjes përfundoi e qetë dhe me muzikë

Më: 29 shtator 2018 Në ora: 16:23
?Protesta e Vetëvendosjes

Ka përfunduar protesta në mbrojte të kufijve të Kosovës e organizuar nga Lëvizja Vetvëndosje. Protesta ka përfunduar e qetë dhe me një koncert në fund, që po mbahet nga këngëtari Bim Bima.

Gjatë fjalimit të tij në protestë, lideri i VV-së, Albin Kurti, theksoi se kjo protestë paqësore dhe madhështore është për Thaçin dhe Vuçiqin, andaj presidenti Thaçi duhet ti mbetet vetëm i së kaluarës.

“Thaçi as një cent sa ishte kryeministër nuk i dha luginës. Ne nuk pranojnë kthim të kohës së Rankovicit. Nuk pranojmë të japim Ujmanin dhe Trepçës dhe maja e Pancicit. Nuk mund të bëjmë marrëveshje i cili ka shpërfillur arritjet e këtij vendit. Thaçit nuk i beson askush. Aventura e Thaçit duhet të ngelet ashtu siç është... Ky president po e mban një kryeministër vetëm në një këmbë, sikur vet që është me një këmbë”, tha ai.

Ai shtoj se Populli i Kosovës nuk e meriton një president si Thaçin.

“Ne kemi nevojë po ashtu edhe për një Qeveri të drejtë dhe të dinjitetshme. Ne kemi nevojë për zgjedhje për mirëqenie më të mirë”, tha ai.

commentFirst article
Sot mund të lexoni Shfletoni kopertinat