Ish-kryetari i Lëvizjes për Bashkim, Avni Klinaku theksons e Kosova gjendet në një udhëkryq, ndërsa rrugën që do e zgjedh tani do të jetë jetike dhe përcaktuese për të ardhmen e saj, transmeton gazeta “Bota sot”.
Sipas tij, Kosova i ka tri mundësi në rrugëtimin e saj politik.
Lexojeni shkrimin e Klinakut:
Kah do të ecë Kosova?
Padyshim se Kosova ndodhet në një udhëkryq dhe rruga që do ta zgjedh tani është me rëndësi jetike dhe përcaktuese për të ardhmen e saj.
Ashtu si e shohë unë, Kosova i ka tri mundësi në rrugëtimin e saj politik:
1) Ridefinimi i kufijve të Kosovës me Serbinë dhe eliminimi i privilegjeve për serbët e Kosovës, pra rënia poshtë e zgjidhjes që ka buruar nga Pakoja e Ahtisarit. Kjo është një rrugë shumë e vështirë për shkak të shovinizmit serb dhe qasjes së tij ndaj Kosovës dhe shqiptarëve në përgjithësi;
2) Kosova të vazhdojë me parimet e Pakos së Ahtisarit, si një shtet multietnik, (me privilegjet e padrejta për serbët e Kosovës, privilegje të cilat shkojnë deri në bllokim të çdo iniciative për forcimin e sovranitetit të Kosovës. Kjo është perspektiva më e zymtë për Kosovën;
3) Kosova t’i anulojë privilegjet e padrejta dhe bllokuese të serbëve dhe ta shtrijë me forcë sovranitetin e vet në veri. Kjo është një rrugë e pashpresë dhe shumë e rrezikshme. Kjo rrugë mund ta çojë situatën drejt libanizimit të Kosovës.
Rrugë tjetër (po e theksoj prapë) ashtu si e shohë unë - nuk ka! Të tjerat janë shmangie nga problemi, mungesë vizioni dhe demagogji e kulluar politike!