Kryeministri i Kosovës, Ramush Haradinaj, ka folur përsëri për temën e listave të fryra të veteranëve të luftës së Ushtrisë Çlirimtare të Kosovës.
Ai ka thënë në emisionin “Pressing”se “nëse ka dallavere, jam për t’i larguar” njerëzit mashtrues.
“S’dua askush ta gëzojë të drejtën që s’i takon”, është shprehur Haradinaj.
“Por, s’do ta mohoj të drejtën e atyre që luftuan”, ka theksuar shefi i ekzekutivit kosovar, dikur komandant i UÇK-së.
“S’mund të më thotë askush s’e kanë qenë shumë në Dukagjin”, ka thënë Haradinaj.
“Lufta në Dukagjin ishte më masive se në çdo zonë tjetër”, ka deklaruar kryeministri i vendit.
