Bedri Hamza ka thënë se si ministër i Financave duhet t’i vizitojë doganat e Kosovës
Ministri i Financave, Bedri Hamza, shoqëroi të shtunën që shkoi presidentin e Kosovës gjatë vizitës në veri.
Prezenca e tij në këtë pjesë pa e njoftuar shefin e partisë u pa me dyshim nga ana e Kadri veselit për çka u fol edhe për mundësinë e shkarkimit të tij.
Por ministri i Financave, në një bisedë ka folur për këtë vizitë të cilën ai e sheh si normale.
Ai madje ka thënë se nuk ka pasur ndonjë kërkesë për largimin e tij nga pozita e ministrit.
Hamza e arsyetoi vizitën e tij në veri edhe me punën që bën si ministër i Financave.
Por Hamza nuk tregoi nëse për këtë ka marrë leje nga shefi i partisë.
Bashkë me Hamzen në këtë vizitë ishte ministri i Drejtësisë, Ableard Tahiri i cili të nesërmen ofroi dorëheqje.
Që nga ajo ditë mbeti i paqartë pozicioni i tij.
Të mërkurën, ministri i Drejtësisë ka bërë një postim në Facebook ku ka bërë me dije se do të vazhdojë të punojë për forcimin dhe sundimin e ligjit.
