Ministri i Drejtësisë i Kosovës, Abelard Tahiri, ka folur rreth vizitës që bëri në liqenin e Ujmanit, bashkë me presidentin e vendit, Hashim Thaçi, dy javë më parë.
Tahiri, anëtar i Partisë Demokratike të Kosovës, ka thënë në emisionin “Pressing”, se as vetë nuk e ka ditur që do të bënte një vizitë në veriun e Kosovës.
Ai ka pranuar se kryetari i PDK’së, njëherësh kryetar i Kuvendit të Kosovës, Kadri Veseli, s’ka qenë në dijeni për shkuarjen e tij në Ujman.
“S'pata si t'i tregoj Veselit që po shkoj në Ujman, se kam ditur as vetë”, është shprehur Tahiri.
Tahiri, i konsideruar njeri i afërt i presidentit Thaçi, ka shtuar se Veseli s’i kishte kërkuar ta informonte për agjendën e tij.
Por, ministri i Drejtësisë ka vlerësuar se “nëse s’do t’i përgjigjesha pozitivisht ftesës së presidentit Thaçi, do të isha qortuar nga z. Veseli”.
