Hashim Thaçi ka thënë se David Philips nuk është këshilltar i tij, pavarësisht se analisti dhe profesori amerikan është paraqitur në media si këshilltar i presidentit të Kosovës.
Thaçi ka thënë se Philips flet mirë për Qeverinë e Kosovës, vetëm kur qeveria e paguan atë.
“Nën 1. Ai kurrë nuk ka qenë këshilltar i imi. Nën 2. Nuk është mirë kur Qeveria e Kosovës i jep pare, ai thotë Qeveria është patriotike e kur nuk i jep pare, ai thotë se qeveria nuk është patriotike dhe kombëtare. E vlerësoj që ka bërë punë më heret për Kosovën, por tash e mora vesh që ia kanë ndal paret”, ka thënë Thaçi.
Eksperti i Politikës së Jashtme, David Philips, njëherësh këshilltar për Marrëdhënie me Jashtë i angazhuar nga Qeveria e Kosovës, ka dhënë sot dorëheqje nga kjo detyrë.
Ai disa herë ka kundërshtuar idenë e ndarjes apo shkëmbimit të territoreve mes Kosovës dhe Serbisë, dhe ka thënë se është alternativa më e keqe për zgjidhjen e problemeve mes dy vendeve.
