Haradinaj jep sqarime për humbjen e 20 mijë dollarëve për një ngjarje në Amerikë - Bota Sot
Haradinaj jep sqarime për humbjen e 20 mijë dollarëve për një ngjarje në Amerikë

Aktuale

Haradinaj jep sqarime për humbjen e 20 mijë dollarëve për një ngjarje në Amerikë

Më: 17 tetor 2018 Në ora: 12:18
Ramush Haradinaj dhe Erolld Belegu

Kryeministri i Kosovës, Ramush Haradinaj gjatë ditës së sotme ka komentuar lidhur me eventin e dështuar në New York dhe 20 mijë dollarët e humbur duke thënë se miliona dollarë harxhohen sa i përket planit diplomatik dhe jo të gjitha e arrijnë cakun.

Ndonëse thotë se nuk i di detajet, shefi i Qeverisë tha se ideja për një ngjarje të tillë ka qenë e tij, por që kanë hequr më pastaj dorë nga një ngjarje e tillë e cila buxhetit të Kosovës i kushtoi me humbjen e 20 mijë dollarëve amerikanë.

Haradinaj: Shumë miliona dollar harxhohen sa i përket planit diplomatik jo të gjitha e arrijnë cakun

“Me siguri ka ndodhur kështu për shkak se atje ideja  e një ngjarje të përbashkët ishte më e vështirë sesa takime bilaterale edhe kemi hekë dorë prej kësaj idesë të parë me qëllim me iu përshtatë agjendës. Po  ka ekzistuar kjo ide, ka qenë edhe e imja edhe e Qeverisë që të ndodh, që t’i ftojmë shumë delegacione me një vend mirëpo u konstatua pastaj se disa delegacione nuk kanë qef me qenë, ose me u ditë krejt agjenda dhe është më mirë me shkua një nga një. Tani me siguri atje polisa e rezervimit janë të tilla, por detajet nuk i di por mund të jetë kështu si thoni ju... Shumë milionë dollarë harxhohen sa i përket përpjekjeve në planin diplomatik jo të gjitha e mbërrijnë cakun, pra është rrezik i punës që e bëjmë“, tha kreu i ekzekutivit.

Këto komente kryeministri i Kosovës, Ramush Haradinaj i bëri pas takimit që zhvilloi me Ansamblin Kombëtar të Këngëve dhe Valleve “Shota”, për të cilët ndau edhe medaljen e Gjergj Kastriot-Skënderbeu.

Ndryshe, gjatë sesionit të fundit të Asamblesë së Përgjithshme të Kombeve të Bashkuara, në hotelin “Hilton” në Midtown nga këshilltari politik, Eroll Belegu ishte rezervuar një sallë për të organizuar pritje për krerët e delegacioneve botërore që merrnin pjesë në këtë ngjarje, por që shkuarjen e kishte konfirmuar vetëm presidenti i Shqipërisë, Ilir Meta dhe për këtë arsye organizimi dështoi kështu duke ia humbur kotë buxhetit të shtetit 20 mijë dollarë, kurse i gjithë rezervimi pritej të arrinte deri në 50 mijë dollarë amerikanë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...