Thaçi nuk i përgjigjet Haradinajt, por flet në emër të tij - Bota Sot
Thaçi nuk i përgjigjet Haradinajt, por flet në emër të tij

Aktuale

Thaçi nuk i përgjigjet Haradinajt, por flet në emër të tij

Më: 19 tetor 2018 Në ora: 11:04
Hashim Thaçi në konferencë

(E plotësuar) - Po vazhdon kundërthënia në mes të Presidentit Hashim Thaçi dhe kryeministrit Ramush Haradinaj, për korrigjimin e kufijve me Serbinë.

I pari i ekzekutivit sot u shpreh se energjia e shpenzuar për idenë e korrigjimit, do të ishte më mirë të adresohej te njohjet nga pesë shtetet e BE-së që nuk e kanë njohur Kosovën.

Mirëpo, Thaçi nuk ka dashur të komentojë këtë deklarim të Haradinajt, por vetëm ka thënë se “edhe kryeministri e do dhe e respekton Luginën”.

Kështu Thaçi u shpreh pas takimit me përfaqësues të Shoqatës së Gazetarëve dhe përfaqësuesit e shoqërisë civile të Luginës së Preshevës.

Thaçi: Edhe kryeministri e do dhe respekton Luginën

“Edhe kryeministri (Haradinaj), kam biseduar, ju donë dhe ju respekton, kështu që nuk është ndonjë shqetësim në këtë drejtim, Preshevë, Medvegjë dhe Bujanoc. Por, ajo që dëshiroj të them, është se ideja për korrigjimin  kufirit definitivisht e shmang skenarin e ndarjes së Kosovës, idenë e Beogradit e të Rusisë, e mbi të gjitha atë të gjitha atë të themelimit të asociacionit të komunave me shumicë serbe  me elemente ekzekutive, diçka e tillë që pretendohet të ndodhë, por natyrisht edhe shkëmbimi”, tha ai.

Madje, Thaçi është i mendimit se bashkimi me Luginën ka ndikim pozitiv në rrugën e Kosovës drejt BE-së.

Thaçi: Korrigjimi i kufirit mundëson edhe njohjen e Kosovës nga pesë vendet e BE-së

“Ndihem mirë që rreth 98 përqind e qyqarëve në Preshevë, Medvegjë dhe Bujanoc e mbështesin këtë ide në kuadër të korrigjimit të kufijve apo demarkimit të kufirit me Serbinë në procesin e dialogut Kosovë-Serbi. Mundësisht kjo një marrëveshje e arritshme në një proces paqësor, e në të njëjtën kohë ligjërisht obligative në rrafshin ndërkombëtar që do të përmbyllej dhe që do të kishte kuptim vetëm me njohjen reciproke Kosovë-Serbi. Pastaj, kjo do t’I hapte mundësi Kosovës edhe për njohe nga pesë vendet e Bashkimit Evropian gjithashtu edhe heqjen  vetos ruse nga këshilli I Sigurimit, e një njohje globale”, ka thënë Thaçi.

Ndërsa, Sevdail Hyseni BKSH “Perspektiva” nga Lugina e Preshevë, ka thënë se Thaçin nga afër e kanë njoftuar për diskriminimin sistematik nga Beogradi.

Hyseni: Korrigjimi i kufijve ide e qëlluar dhe duhet të ndodhë

“Ideja për korrigjimin e kufijve është një nga idetë më të qëlluara dhe më të mira në kohën kur është lansuar. Ne çka po kemi  mundësi përmes atyre pak mjeteve të informimit që kemi, po mundohemi ta sensibilizojmë dhe afirmojmë një ide të tillë, e cila tek ne dhe tek masa në përgjithësi është hasur ndoshta pak me një dozë të frikës, por është pranuar si e tillë. Kufijtë e tillë duhet gjithësi të korrigjohen që mos të kemi telashe edhe në të ardhmen”, theksoi Hyseni. 

Thaçi: Bashkimi i Luginës me Kosovën do të mundësonte njohjen e Kosovës nga shtetet e BE-së

Presidenti i Kosovës, Hashim Thaçi, priti në takim Shoqatën e Gazetarëve dhe përfaqësuesit e shoqërisë civile të Luginës së Preshevës.

Presidenti Thaçi ka thënë se kanë biseduar gjerë e gjatë për Luginën. Pa dyshim se temë e diskutimit ishte mundësia e respektimit të vullnetit të për bashkëngjitje me Republikën e Kosovës. Pa dyshim se unë e mbështes këtë vullnet”, theksoi Thaçi, duke shtuar se kjo të mundësonte edhe njohjen  e Kosovës nga shtetet e BE-së  të cilat ende nuk e kanë njohur Kosovën.

Ai ka shtuar se qytetarët në Luginë vazhdojnë të jenë më të diskriminuarit.

Presidenti ka thënë se nuk duhet ndjekur modelin  e  Palestinës të njohjeve, për lobim për njohje nga një shtetet veç e veç.

“Edhe kryeministri ju do dhe ju respekton(popullin e luginës). Kam biseduar me kryeministrin”, tha Thaçi.

 Sipas tij, Kosova nuk ka çka të bëjë më tepër për plotësimin e kritereve për liberalizimin e vizave. Sefvdail Hyseni BKSH “Perspektiva” nga Lugina e Preshevës ka thënë se presidentit i kanë sjellë një plan ideor .

“Jeta në Luginë është në gjendje të rëndë sikur në pushtetin e Millosheviqit. I kemi sjell presidentit një plan se si të dilet nga ky qorrsokak. Ideja për korrigjimin e kufijve është e qëlluar. Kufijtë gjithsesi se duhet të korrigjohen”, tha ai.

Nexhmedin Saqipi koordinator, tha se inatet politike duhet të ndalen për korrigjimin e kufirit me Serbinë. Lugina e Preshevës ka kontribuar për Kosovën duke dhënë edhe dëshmorë.

Drejtpërdrejt nga takimi i Thaçit me gazetarë dhe shoqërinë civile të Preshevës

Presidenti i Republikës së Kosovës, Hashim Thaçi, po pret në takim Shoqatën e Gazetarëve dhe përfaqësuesit e shoqërisë civile të Luginës së Preshevës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...