Haradinaj nuk ka informata se për çka do të përdoret Fondi për Iinterpolin - Bota Sot
Haradinaj nuk ka informata se për çka do të përdoret Fondi për Iinterpolin

Aktuale

Haradinaj nuk ka informata se për çka do të përdoret Fondi për Iinterpolin

Më: 19 tetor 2018 Në ora: 15:01
Kryeministri i Kosovës, Ramush Haradinaj

Kryeministri i Kosovës, Ramush Haradinaj, ka takuar sot ministrin e ri të Punëve të Brendshme Ekrem Mustafa. Ky i fundit është emëruar në këtë pozitë para disa ditësh, pasi që ministri paraprak Bejtush Gashi ishte shkarkuar nga kjo pozitë.

Fokus i takimit në mes të kryeministrit dhe ministrit të Punëve të Brendshme ishte për të parë se sa është punuar në luftimin e krimit dhe korrupsionit, liberalizimi i vizave dhe anëtarësimi në Interpol, punë këto që janë në kompetencë të MPB-së.

Haradinaj tha se ka gjetur koordinim të mirë të punëve në këtë institucion.

Haradinaj: Takimi me ministrin e ri për Interpolin dhe liberalizimin e vizave

"Fokusimi ishte, po them ashtu te tri punë bazë. Bash bazë është luftimi i krimit edhe ruajtja e rendit publik, po ne kemi edhe dy punë të j, është Interpoli dhe liberalizimi i vizave për shkak se kanë ndodhë ndryshime politike, ka shku ministri Gashi ka ardhë ministri Mustafa. Kam ardhë të bisedojmë, të qartësohemi se a e kemi mbulu çdo vakuum potencial edhe a ka koordinim të ndërsjellë, nga niveli politik në këtë rast nga ministri", ka thënë Haradinaj.  

Ndërkaq për Fondin që është ndarë për Interpolin, Haradinaj tha se ende nuk ka informacione të sakta se për çka do të përdoren, por sipas tij, qytetarët do ta marrin vesh 'kur të vjen dita’.

 Haradinaj:  Do të raportojmë kur të vjen dita

"Kur të raportojmë për çka janë përdorë, ju shpjegojmë. Tani nuk kam naj informatë ma shumë... Vjen dita e raportohet", ka thënë Haradinaj. 

Ndërkaq, lidhur me komisionin ndërinstitucional kundër ekstremizmit të dhunshëm, Haradinaj tha se ky komision është themeluar si masë sigurie për Kosovën ndaj kësaj dukurie. 

Ndërsa ministri i ri i Punëve të Brendshme, Ekrem Mustafa, tha se ky ishte takim pune dhe u zotua se do të punojë që ketë performancë të mirë para Qeverisë dhe qytetarëve. 

Mustafa: Do të dal ballëhapur para qytetarëve

 "Nëse ne i lëmë punët, siç tha kryeministri për me i kry nesër, do të thotë ne s'kemi bë asgjë. Unë kam marrë detyrat edhe këto përgjegjësi që nesër të jem me performancë të mirë edhe do të dal ballëhapur para qytetarëve të Republikës së Kosovës. Njëherit, edhe kryeministrit t'i shpërblejë me punë e suksese në Ministrinë e Punëve të Brendshme", tha ministri Mustafa. 

Ekrem Mustafa është ministri i  tretë i MPB-së prej se është formuar Qeveria Haradinaj. I pari ka qenë Flamur Sefaj i cili ishte shkarkuar nga partia e tij pas arrestimit të gjashtë shtetasve turq dhe ekstradimit të tyre në Turqi. Sefajn e ka pasuar Bejtush Gashi, por i cili nuk ka qëndruar gjatë në këtë pozitë. Ai është shkarkuar nga AKR siq është thënë  për shkak të performancës së dobët. Mustafa është pjesë e AKR-së dhe vjen nga komuna e Ferizajt.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...