Deputeti i Lidhjes Demokratike të Kosovës, Haxhi Avdyli ka folur për përçarjen e opozitës dhe për zhvillimet e fundit politike në vend.
Ai ka qenë i ashpër në kritikat kundër Qeverisë dhe ka mbrojtur ndaj analistëve rolin e LDK-së në mbajtjen e PDK-së dhe Thaçit në pushtet.
Avdyli ka paralajmëruar një koalicion parazgjedhor të LDK-së me Vetëvendosjes në mënyrë që t’i pamundësohej PDK-së të dilte e para me AAK-në dhe Nisma-n apo ndonjë parti tjetër.
Ai ka thënë se PDK-ja ka dëshmuar se kur i rrezikohet pushteti para zgjedhjeve vazhdimisht bën manovra politike – e të cilat do të pamundësoheshin nga një koalicion i tillë që do ta vendoste Opozitën të parën.
