Me Kodin e ri të Procedurës Penale zyrtarët me aktakuzë s’do të kenë vend në institucione - Bota Sot
Me Kodin e ri të Procedurës Penale zyrtarët me aktakuzë s’do të kenë vend në institucione

Aktuale

Me Kodin e ri të Procedurës Penale zyrtarët me aktakuzë s’do të kenë vend në institucione

Më: 26 tetor 2018 Në ora: 08:11
Abelard Tahiri

Ministri i Drejtësisë, Abelard Tahiri, ka bërë me dije se pas nëntë muajve punë të grupeve punuese dhe ekspertëve ndërkombëtarë, Kodi i ri i Procedurës Penale do të dërgohet në Kuvend gjatë muajit nëntor.

Ai ka thënë se ndryshimi kryesor është pezullimi i zyrtarëve që kanë aktakuzë.

Në një intervistë , Tahiri ka thënë se qëllimi i këtij propozimi është që nëpërmjet suspendimit të këtyre zyrtarëve të parandalohet keqpërdorimi i mëtejshëm i autoritetit dhe mos t’u lihet mundësia të ndikohet në prova, element ky kyç për të siguruar ndjekje penale të suksesshme.

Ai është shprehur i bindur se do ta gjejë mbështetjen e nevojshme nga shumica e grupeve parlamentare të Kuvendit të Kosovës për aprovimin e këtij kodi.

“Tekefundit, këto janë interesa të shtetit dhe të shoqërisë, si dhe obligime që Kosova ka marrë përballë MSA-së, Agjendës së Reformave Evropiane dhe procesit integrues”, ka deklaruar Tahiri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...