Deputeti i Lëvizjes Vetëvendosje, Rexhep Selimi, ka thënë se PSD-ja po i ndihmon Qeverisë, duke ia bërë numrat në Kuvend.
I pyetur për PSD-në, pra grupin e ndarë nga Vetëvendosja, Selimi shprehu se PSD me qasjen e tyre shihet se nuk po e lënë Qeverinë në “lloq”, duke i ndihmuar shpesh me numra në Kuvendin e Kosovës, siç ndodhi edhe në seancën e djeshme, duke i mundësuar kuorumin e pastaj edhe kalimin e ligjeve, e duke mos bashkëpunuar me pjesën tjetër të opozitës.
Sipas Selimit kjo është zgjedhje e tyre, pasi secili subjekt politik ka qasjen e vet, mirëpo ai pret që ata së paku të tregojnë vetën se a janë me opozitën apo me mazhorancën, e ta përcaktojnë a janë në mbështetje të Qeverisë, apo kundër saj.
