Thaçi e Vuçiq takohen edhe në Stamboll - Bota Sot
Thaçi e Vuçiq takohen edhe në Stamboll

Aktuale

Thaçi e Vuçiq takohen edhe në Stamboll

Më: 29 tetor 2018 Në ora: 15:29
Presidenti i Kosovës dhe ai i Serbisë, Thaçi e Vuçiq, po qëndrojnë me ftesë të Presidentit të Turqisë

Presidenti Thaçi udhëtoi për Stamboll, ku po merr pjesë në hapjen e aeroportit të ri.

Presidenti i Kosovës dhe ai i Serbisë, Thaçi e Vuçiq, po qëndrojnë me ftesë të Presidentit të Turqisë, Recep Tayyip Erdogan, në hapjen solemne të aeroportit të ri të Stambollit.

Në një foto të siguruar nga Lajmi.net, Thaçi e Vuçiq duke bërë “Family picture” bashkë me krerë shtetesh që po marrin pjesë në hapjen e këtij aeroporti.

Nuk dihen nëse Thaçi e Vuçiq kanë pasur ndonjë takim me njëri-tjetrin, megjithatë presidenti turk shihet si i afërt me të dytë.

Sipas të dhënave të mediave turke, në ceremoninë e hapjes do të marrin pjesë të ftuar të shumtë të huaj, në mesin e të cilëve gjenden edhe krerë shtetesh dhe qeverish, si dhe ministra të transportit. Deri më tani, siç njoftohet, mbi 50 zyrtarë të lartë kanë konfirmuar pjesëmarrjen, ndërkohë që ceremonia do të ndiqet në mbarë botën.

Aeroporti është ndërtuar në një hapësirë prej 76.5 milionë metra katrorë, ndërsa për hapjen e fazës së parë janë investuar gjashtë miliardë euro.

Ndërkaq, faza e dytë pritet të përfundojë deri në vitin 2023. Për ndërtimin e aeroportit, i cili do të jetë më i madhi në botë, janë angazhuar rreth dhjetë mijë punëtorë.

Pas përfundimit të punimeve, aeroporti do të përbëhet nga gjashtë pista të ndara me një kapacitet për 500 avionë, parking të hapur dhe të mbyllur me kapacitet për 70 mijë automjete dhe në vit do t’u shërbejë 200 milionë pasagjerëve. 

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...