Komandanti i KFOR-it, gjeneral majori Salvatore Cuoci ka pritur sot në takim shefin e Mbrojtjes së Forcave të Armatosura të Gjermanisë, gjeneralin Eberhard Zorn, të cilin e ka njoftuar me situatën e sigurisë dhe zhvillimet e fundit në Kosovës dhe Ballkanin Perëndimor.
Ata po ashtu biseduan edhe për sfidat me të cilat përballet misioni i KFOR-it në Kosovë.
Kreu i KFOR-it me këtë rast falënderoi gjeneralin Zorn për kontributin e vazhdueshëm të Gjermanisë në kuadër të përpjekjeve të KFOR-it. Ai në veçanti ka theksuar ekspertizën, profesionalizmin dhe përkushtimin e pjesëtarëve gjermanë të KFOR-it.
Gjermania vazhdon të jetë njëri ndër vendet më shumë kontribuuese në kuadër të KFOR-it. Në të kaluarën në krye të KFIOR-it kanë qenë gjashtë komandantë gjermanë. Aktualisht, ushtarët gjermanë janë kryesisht të vendosur në selinë e KFOR-it.
Përveç KFOR-it, Gjermania është përfshirë në Ekipin Këshillëdhënës dhe Ndërlidhës të NATO-s (NALT) që ka një bashkëpunim shumë të ngushtë me KFOR-in.
