Analisti politik, Faik Krasniqi ka deklaruar për “Bota sot” se sulmet ndaj shqiptarëve nuk janë të reja pasi që vazhdimisht kanë ndodhur.
“Sulme ndaj shqiptarëve nga ana e serbëve ka pasur në vazhdimësi në pjesën veriore të Mitrovicës. Nuk është diçka e re. Ajo pjesë e Kosovës vazhdon të ngelet çështje në mjegull”, ka thënë ai për “Bota sot”.
Krasniqi mendon se këto sulme mund të jenë të orkestruara nga ana e Beogradit dhe kërkon nga Institucionet e Kosovës të gjejnë zgjidhje për shqiptarët që jetojnë në Mitrovicë.
"Këto sulme mund të jenë edhe të orkestruara nga ana e Beogradit, Prandaj duhet të gjendet një zgjidhje për atë pjesë të Kosovës, e sidomos për shqiptarët që jetojnë atje, sepse është vështirë të jetosh në vendin tënd me frikë. Institucionet tona duhet ta gjejnë një zgjidhje. Atë pjesë të Kosovës një herë e mirë ta fusin nën juridiksionin e Republikës së Kosovës, sepse nuk jetohet gjithmonë me frikë”, ka potencuar Krasniqi për “Bota sot”.