Deputeti i PSD-së, Dardan Molliqaj ka kritikuar ashpër dy partitë tjera opozitare, Lëvizjen Vetëvendosje dhe Lidhjen Demokratike të Kosovës lidhur me qëndrimet e tyre për dialogun me Serbinë.
Molliqaj ka thënë se pushteti është në zor e opozita e fortë, prandaj liderët e partive në pushtet kërkojnë bashkëpunim me opozitën.
Më tej, ai ka kritikuar partitë e opozitës për frikën e paarsyeshme që kanë nga presidenti i vendit, Hashim Thaçi.
Ai ka thënë se duke qenë se do të detyrohen të votojnë një marrëveshje të mundshme më vonë, tashmë këto parti janë rikthyer sërish në Kuvend.