Debati në Kuvendin e Republikës së Kosovës në mes të deputetëve të pozitës dhe opozitës po vazhdon.
Si gjithherë, debati i shoqërua edhe me sulme ad hominem apo ofendime ndaj njëri-tjetrit.
Pas përplajes së ashpër Zeka-Konjufca, fjalë të rënda, kësaj radhe në drejtim të presidentit Thaçi, ka lëshuar edhe deputetja nga radhët e LDK’së, Besa Gaxherri.
Ajo ka thënë se LDK e ka votuar Thaçin për president, por nuk kanë mundur t’i bëjnë analizë psikologjike dhe të dijnë se do të bjerë, siç është shprehur ajo, në këtë nivel.
”Ne vërtet e kemi votuar për president, por nuk i kemi mundur t’i bëjmë analizë psikologjike të dimë se do të bjerë në këtë nivel”, ka thënë Gaxherri.
Ajo ka shtuar se Thaçi është një i sëmurë mendor dhe është e nevojshme të shkarkohet nga posti.
Madje, ajo ka shkuar edhe më larg sa ka akuzuar Thaçin edhe për vrasjen e kundërshtarëve politikë.
”Shumë raporte ndërkombëtare flasin për veprat e juaja dhe ju jeni ai që keni vrarë edhe kundërshtarët politikë”, ka shtuar tutje Gaxherri.