(E plotësuar) - Pasi u zgjodh kryetar i Këshillit Kombëtar Shqiptar për Preshevë, Medvegjë e Bujanoc, Ragmi Mustafa ka ardhur me një reagim.
Ai në një shënim në Facebook, ka theksuar se ky është fillimi i fitoreve të reja.
Shënimi i plotë:
#Bashkë dhe vetëm #bashkë mundemi!
Urime fitorja. Fllimi i fitoreve të reja.
Qytetarë të nderuar,
Sot u dëshmua se jemi jo vetëm subjekti më i madhi në Luginën e Preshevës, por edhe subjekti i së ardhmes.
Partia për Veprim Demokratik është bindshëm fituese e zgjedhjeve të sotme për Këshillin Kombëtar Shqiptar.
Besuam. U mobilizuam. U angazhuam. U solidarizuam. Fituam!
Urime!
Dua të falenderoj sonte nga zemra të gjithë qytetarët për kulturën e lartë politike që kanë shpërfaqur gjatë këtyre zgjedhjeve. Votuesit po ashtu, ata që kanë votuar për ne, e ata që nuk votuan.
Vetëm #bashkë mund të ecim tutje.
Sonte dua të falenderoj edhe kundërkandidatët, për garën kryesisht të ndershme në zgjedhje.
Përulje për të gjithë aktivistët e Partisë për Veprim Demokratik dhe të partnerëve tanë politik, që nuk kursyen asgjë prej tyre, gjatë kësaj fushate.
Pa harruar familjarët e mi, prindërit, bashkëshortën dhe Lisarin, vëllezërit; që më mbështeten pa rezervë.
Miq, kolegë, ju faleminderit.
Kjo fitore e sotme është vetëm fillimi.
Fillimi i fitoreve të reja. Deri në fitoren përfundimtare!
Për liri dhe barazi. #Bashkë
Për librin shqip. #Bashkë
Për flamurin. #Bashkë
Për bashkim. #Bashkë
Ragmi Mustafa zgjidhet kryetar i Këshillit Kombëtar Shqiptar në Preshevë, Bujanoc dhe Medvegjë
Ragmi Mustafa është zgjedhur kryetar i Këshillit Kombëtar Shqiptar në Preshevë, Bujanoc dhe Medvegjë.
Kandidati i Partisë për Veprim Demokratik për kryetar të Këshillit Kombëtar Shqiptar, Ragmi Mustafa, ka mposhtur të gjithë kandidatët tjerë shqiptarë në zgjedhjet e sotme.
Sipas rezultateve preliminare, të cilat ka arritur t’i sigurojë media,, Mustafa ka fituar 4 mijë e 719 vota.
I dyti është kandidati i Alternativës për Ndryshim, Arbër Pajaziti, me 3 mijë e 741 vota, ndërsa Sali Salihu i Partisë Demokratike ka marrë 2 mijë e 323 vota.
