Takimi në mes të Presidentit të Kosovës, Hashim Thaçi dhe homologut të tij serb, Aleksandar Vuçiq do të mbahet gjatë ditës së sotme në Bruksel,
Ende nuk dihet për agjendën e takimit, vetëm se ky takim do të ndërmjetësohet nga kryediplomatja evropiane, Federica Mogherini.
Në faqen zyrtare të Komisionit Evropian, nuk është bërë e ditur ora e takimit, megjithëse ai pritet të ndodhë në orët e pasdites së të enjtes.
Ajo çka dihet është se shefja e diplomacisë evropiane do ta takojë të parin, kreun e shtetit kosovar, Hashim Thaçin dhe më pas do ta pres shefin e shtetit serb, Aleksandar Vuçiq.
Në fund siç ndodh rëndom mbahet takimi i përbashkët Mogherini-Thaçi-Vuçiq.