Vuçiq takon kancelaren Merkel në Paris, kjo është porosia e kancelares për Serbinë - Bota Sot
Vuçiq takon kancelaren Merkel në Paris, kjo është porosia e kancelares për Serbinë

Aktuale

Vuçiq takon kancelaren Merkel në Paris, kjo është porosia e kancelares për Serbinë

Më: 11 nëntor 2018 Në ora: 11:33
Aleksander Vuçiq është takuar sot në Paris me kancelaren gjermane, Angela Merkel.

Presidenti i Serbisë, Aleksandar Vuçiq ka zhvilluar sot paradite në Paris një takim me kancelaren gjermane Angela Merkel, të cilën e ka informuar me rrjedhën e dialogut në mes Kosovës dhe Serbisë, por edhe për vendimin e fundit të Qeverisë së Kosovës për  vendosjen e taksës prej 10 për qind për mallrat që futen në Kosovë nga Serbia dhe Bosnja e Hercegovina.

Siç raportojnë mediat serbe, Vuçiq në takim me kancelaren gjermane, duke ka shprehur shqetësim lidhur me vendimin e Kosovës për vendosjen e taksës për mallrat që hyjnë nga Serbia dhe Bosnja e Hercegovina, ka theksuar se “nuk e kupton kur dikush në mënyrë të papërgjegjshme shkel marrëveshjet e arritura, duke minuar kështu bashkëpunimin dhe stabilitetin rajonal”.

Mediat serbe nuk kanë cituar burime zyrtare nga takimi, por “Blici” serb, duke u thirrur në burime brenda takimit, shkruan se kancelarja Merkel ka thënë se ajo dëshiron të ndihmojë që në rajonin e Ballkanit Perëndimor të ruhet paqja dhe stabiliteti.

Pas takimit, presidenti serb nuk është prononcuar për media, por menjëherë ka shkuar në pallatin presidencial Elyse.

Vuçiç dhe Merkel u takuan në prag të ceremonisë në Paris, që shënon njëqindvjetorin e përfundimit të Luftës së Parë Botërore, kurse takimi zgjati rreth një orë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...