Flet këshilltari i Presidentit Thaçi Takimi i Presidentit të Kosovës, Hashim Thaçi me homolgun e tij rus, Vladimir Putin gjatë shënimit të 100-vjetorit të përfundimit të Luftës së Parë Botërore në Paris, ngjalli reagime në sferën publike.
Ky takim u diskutua edhe sot gjatë emisionit “Click” në RTV 21.
Besim Çollaku, Këshilltar i Presidentit të Kosovës, Hashim Thaçi ka treguar se çka e pyeti direkt Thaçi, Putinin.
“Presidenti ka shfrytëzuar këtë mundësi të jashtëzakonshme që në mënyrë direkte, drejtëpërdrejt, t’i bëjë atë pyetjen e vetme e cila na intereson neve si shtet dhe si qytetarë se në qoftë se ne arrijmë marrëveshje me Serbinë a do të jetë Rusia pengesë edhe më tutje apo jo për anëtarësimin e Kosovës në Kombet e Bashkuara”, tha Çollaku. Sipas tij në kuadër të shënimit të këtij përvjetori të Luftës së Parë Botërore Kosova ka arritur maksimumin në kuadër të diplomacisë.