Edhe avokati Arianit Koci ka folur për deklaratën e Frederica Mogherinit, e cila kërkoi heqjen e taksës për produktet e Serbisë pas vendimit të Qeverisë së Kosovës për 100%.
Koci thotë se Mogherini është mike e Kosovës, por nuk kemi prit përkrahje për ngritjet e tatimeve ndaj prodhimeve serbe për 100%.
Sipas avokatit, diplomacia evropiane nuk dëshiron turbulenca, andaj kërkesën e Mogherinit duhet me shqyrtu me kujdes, por të veprohet sipas interesave tona nacionale.
Koci tutje shton se, çdo tensionim i panevojshëm me shtetet e BE-së, ia forcon pozicionin Serbisë.
Ky është shkrimi i plotë i Arianit Kocit:
Frederica Mogherini është mike e Kosovës!
Ta kemi të qartë: zonja Mogherini është mike e Kosovës.
Përndryshe, a kemi pritur që shefja e diplomacisë evropiane, do ta përkrahë vendimin për ngritje të tatimeve ndaj prodhimeve serbe për 100% a?
Sigurisht që jo.
Diplomacia nuk don turbulenca. Sidomos ajo evropiane!
Ne duhet ta shqyrtojmë me kujdes kërkesën e Mogherinit, dhe të veprojmë sipas interesave tona nacionale.
Natyrisht, vendimin tonë duhet ta arsyetojmë mirë para miqve tanë evropian.
Politika është art i së mundshmes, dhe ne duhet ta vlerësojmë situatën, dhe efektin e veprimit tonë.
Nuk e kemi asnjë arsye që t’i tensionojmë marrëdhëniet e partneret tanë evropian.
Edhe jo-ja pranohet në botën e civilizuar, kur arsyetohet dhe plasohet në mënyrë të civilizuar.
Sidoqoftë, çdo tensionim i panevojshëm me shtetet e BE-së, ia forcon pozicionin Serbisë.
E sa i përket Serbisë, sigurisht që do të vazhdojmë të tentojmë të kultivojmë raporte të mira, në frymën e reciprocitetit dhe respektit të ndërsjellë.
