PDK fillon zgjedhjen e strukturave të reja

Aktuale

PDK fillon zgjedhjen e strukturave të reja

Më: 25 nëntor 2018 Në ora: 17:14
Kryetari i Partisë Demokratike të Kosovës, Kadri Veseli

Pas një periudhe disa javore nga hapja e procesit zgjedhor, pas përgatitjeve dhe shumë aderimeve të reja, PDK ka filluar të dielën procesin e zgjedhjeve të strukturave të reja për Dekadën e Re, ndërsa kuvendi i parë zgjedhor ka filluar në nëndegën Korishë të Prizrenit.

Kryetari i Partisë Demokratike të Kosovës, Kadri Veseli, tha se procesi zgjedhor do të hapë dhe modernizojë Partinë Demokratike të Kosovës, e cila ka transformuar dhe e ka zhvilluar Republikën e Kosovës.

“Procesi i zgjedhjeve në PDK nuk është thjesht proces zgjedhor partiak, por e definon të ardhmen e shtetit tonë për Dekadën e Re. Andaj, është shumë me rëndësi që në këtë proces zgjedhor të marrin pjesë dhe përgjegjësi njerëzit më të mirë të vendit tonë. Kemi nevojë të fuqizohemi edhe më shumë si parti, sepse sa më e fuqishme të jetë PDK, aq më e fuqishme do të jetë Kosova”, ka thënë Veseli.

Ai i ka ftuar të gjithë intelektualët dhe njerëzit e mirë të Komunës së Prizrenit që të bëhen pjesë e procesit zgjedhor dhe të marrin përgjegjësi për të mirën e Prizrenit dhe Kosovës.

commentFirst article
Sot mund të lexoni Shfletoni kopertinat