Ish-deputeti i Kosovës, Adem Salihaj thotë se, kryeministri i Shqipërisë, Edi Rama është zënë ngushtë sot në Pejë duke u detyruar që të pranojë se qëndron pas marrëveshjes me Vuçiqin për ndarjen e Kosovës.
Salihaj thotë se, me gjithë retorikën boshe, Rama u detyru të tregoj faktin se ai e përkrahë Thaçin për ndarjen e Kosovës.
“Të gjitha fjalët e një patriotizmit të rrejshëm të Edi Ramës ranë në ujë kur u detyrua te deklarohet se përkrahë idenë e Thaçit dhe Vuçiqit për korrigjimin e kufijve”, shkruan Salihaj në Facebook, transmeton gazeta “Bota sot”.
Ja shkrimi i plotë:
Rama u zu ngushtë në Pejë dhe u detyrua ta pranojë se qëndron pas marrëveshjes me Vuçiqin për ndarjen e Kosovës. Me gjithë retorikën boshe, gazetarët e detyruan Ramën ta tregojë faktin se ai përkrahë Hashim Thaçin për ndarjen e Kosovës, duke i quajtur gomarë ata që e quajnë Thaçin tradhtar. Rama ishte tepër nervoz që u zu ngushtë dhe fyu gazetarët. Të gjitha fjalët e një patriotizmit të rrejshëm të Edi Ramës ranë në ujë kur u detyrua te deklarohet se përkrahë idenë e Thaçit dhe Vuçiqit për korrigjimin e kufijve.
Përndryshe, në Pejë u morën disa vendime te dobishme për Kosovën dhe Shqipërinë, ndonëse të vona dhe jo të mjaftueshme.
