Bordi i Drejtorëve i Agjencisë Kosovare të Privatizimit mbajti mbledhjen e rregullt gjatë të cilës ka emëruar Valon Tolajn në pozitën Drejtor Menaxhues me mandat prej katër vitesh.
Lidhur me ketë, ka reaguar Ehat Miftaraj nga Instituti për Drejtësi. Ai përmes një postimi në Facebook thotë se kjo Qeveria Haradinaj e ka privatizuar shtetin dhe pothuajse të gjitha institucionet publike.
“Në kuptimin e plotë të fjalës, kjo Qeveri e ka privatizu shtetin dhe pothuajse krejt institucionet publike”, ka shkruar Ehat Miftaraj në Facebook.
Kujtojmë se Valon Tolaj ka qenë sekretar ekzekutiv i partisë së kryeministrit Ramush Haradinaj, AAK.
