Mbledhja e dy qeverive nuk po vlerësohet pozitivisht nga avokati Dastid Pallaska. Ai nuk pa diçka të mirë nga takimi i sotëm në Pejë.
‘Takim pa përmbajtje dhe qëllim’, thotë ai.
“Aty nënshkruhen marrëveshje për tu nënshkruar marrëveshje’, shpjegoi ai, duke treguar se “nuk ka objekt të qartë të marrëveshjeve”.
Ndërkohë, ai mendon se po sot u përdhos flamuri kombëtar, kur dy kryeministrat Edi Rama dhe Ramush Haradinaj dhanë firmat mbi flamur.
“Kjo ishte përdhosje e flamurit, tregon kulturën politike që po eksportohet nga Shqipëria”, tha ai duke shtuar se me këtë ‘po humb çfarëdo vlere të diskursit publik”.
