Deputeti i Alternativës në Kuvendin e Kosovës, Ilir Deda e ka komentuar dorëheqjen e katër kryetarëve serb të komunave të Kosovës.
Deda thotë se ata dhanë dorëheqje me urdhër të presidentit serb, Aleksandër Vuçiq, veprim të cilin e quan të njëanshëm.
“Sot shihet qartë brishtësia dhe kthyeshmëria e marrëveshjeve “historike” në Bruksel, duke hyrë në finalen e përpjekjeve për ndarjen e Kosovës, me përshkallëzim të gjendjes politike e të sigurisë në pjesën veriore të shtetit”, shkruan Deda në facebook, transmeton gazeta “Bota sot”.
Sipas tij, sot Kosovës i duhet një mençuri e maturi si dhe bashkërendim të veprimeve.
Ai thotë se Qeveria e Kosovës duhet të konkretizojë dhe të sqarojë se taksa ndaj produkteve serbe nuk do të hiqet derisa Serbia ti kthehet normalizimit të marrëdhënieve.
Ja shkrimi i Ilir Dedës:
Dorëheqja e kryetarëve të komunave në pjesën veriore të vendit, e bërë me urdhër të Vuçiqit, është veprim i njëanshëm i prishjes së marrëveshjeve të Brukselit nga ana e Serbisë.
Sot shihet qartë brishtësia dhe kthyeshmëria e marrëveshjeve “historike” në Bruksel, duke hyrë në finalen e përpjekjeve për ndarjen e Kosovës, me përshkallëzim të gjendjes politike e të sigurisë në pjesën veriore të shtetit.
Nuk guxojmë të biejmë në kurthë të tjerëve. Sot na duhet mençuri, maturi, bashkërendim të veprimeve dhe konsensus - i cili edhe ashtu është mëse i vonshëm.
Qeveria e Kosovës, po e përsëris, duhet të konkretizojë dhe sqarojë që taksa prej 100% ndaj produkve të prodhuara në Serbi do të hiqet kur Serbia t’i kthehet “normalizimit të marrëdhënieve” duke:
1. E ndalë në mënyrë të verifikueshme fushatën ndërkombëtare kundër Kosovës;
2. Në mënyrë të plotë e zbaton marrëveshjen për energji; marrëvshjen për IBM; marrëvshjen për kadastër e regjistër civil, si dhe marrëvshjen për diploma universitare.