Pas kërcënimeve nga Bërnabiq, vjen kundëpërgjigja nga Kosova

Aktuale

Pas kërcënimeve nga Bërnabiq, vjen kundëpërgjigja nga Kosova

Më: 27 nëntor 2018 Në ora: 23:34
Ramush Haradinaj dhe Ana Bernabic

Qeveria e Kosovës ka thënë se kërcënimi i Qeverisë serbe për dërgimin e CEFTA-s në Tribunalin e Arbitrazhit Ndërkombëtar lidhur me taksën 100 për qind të Kosovës ndaj produkteve serbe, nuk shitet në Kosovë.

Kryeministrja e Serbisë, Ana Bërnabiq ka thënë sot se nëse nuk fillon një konsultim i përbashkët ose problemi nuk zgjidhet brenda 90 ditëve të ardhshme, Serbia do të fillojë procedurat në Gjykatë të Arbitrazhit. Do ta padisë CEFTA-n në Arbitrazh.

E shefi i kabintetit të Kryeministrit Ramush Haradinaj, Avni Arifi ka thënë se këto ultimatume të Qeverisë së Serbisë nuk shiten në Kosovë. Ka thënë se Qeveria e Serbisë bën mirë ta njohë Republikën e Kosovës si shtet sovran.

“Tragjedia e politikës serbe është se ende nuke kanë kuptuar se ultimatumet e tyre nuk shiten në Kosovë. E ftojmë Qeverin? e Serbisë të kthehet kah normailzimi i raporteve me Kosovën. Për fillim njohja e Kosovës shtet sovran dhe të pavarur do të ishte bazë e mirë për fillimin e rishikimit te raporteve te pergjithshme”, është shprehur Arifi.

Më 21 nëntor Qeveria e Kosovës, vendosi masën nga 10 në 100 për qind për produktet e Serbisë dhe Bosnjës e Hercegovinës.

Por, ndaj kësaj takse ka reaguar Bashkimi Evropian, ndërkaq Sekretari amerikan i Shtetit, Mike Pompeo, në një takim me presidentin e Kosovës Hashim Thaçi, ka inkurajuar Qeverinë që të heqë taksën ndaj produkteve serbe.

commentFirst article
Sot mund të lexoni Shfletoni kopertinat