Milani kërkon mesfushor organizator - Bota Sot
Milani kërkon mesfushor organizator

Futboll

Milani kërkon mesfushor organizator

Më: 28 nëntor 2018 Në ora: 13:41
Milani kërkon mesfushor organizator

Prej kohësh Milani ka nisur punën për të gjetur përforcime për në janar, pasi është e qartë që ka probleme, në çdo repart.

Ndonëse duket se sforcimet më të mëdha janë te sulmi, me Ibrahimovic që është gjithnjë e më pranë, në të vërtetë drejtuesit e klubit kuqezi po punojnë shumë për të gjetur një mesfushor të nivelit të lartë, të aftë të shtojë cilësinë në një repart ku ka shumë muskuj dhe pak teknikë.

Për këtë arsye, Leonardo e Maldini kanë piketuar Cesc Fabregas, futbollist që nuk po gjen shumë hapësirë te Chelsea dhe ka nevojë për një sfidë të re.

31-vjeçari nuk konsiderohet titullar nga trajneri Maurizio Sarri dhe për pasojë ka nisur të kërkojë klub të ri, ndërkohë që e favorizon fakti që kontrata i përfundon në verë dhe mund të largohet që në janar për një shifër modeste.

Milani kërkon mesfushor organizator, Fabregas kërkon të luajë rregullisht, Chelsea synon të arkëtojë diçka për të mos e humbur lojtarin falas, ndaj duket gjithçka e thjeshtë.

Problemi qëndron se Milani së pari duhet të mësojë vendimet e UEFA-s, në lidhje me Fair Play Financiar dhe dënimet që e presin klubin kuqezi. Ndërkaq, edhe Sarri është një pengesë, sepse ish-trajneri i Napolit nuk e lëshon spanjollin pa gjetur një zëvendës për të.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...