Edhe te varrezat e Jasharajve flitet për keqpërdorim me listat e veteranëve të luftës - Bota Sot
Edhe te varrezat e Jasharajve flitet për keqpërdorim me listat e veteranëve të luftës

Aktuale

Edhe te varrezat e Jasharajve flitet për keqpërdorim me listat e veteranëve të luftës

Më: 28 nëntor 2018 Në ora: 14:51
Xhevdet Qeriqi

Kryetari i Këshillit për Mbrojtjen e Veteranëve, Xhevdet Qeriqi tha se numri i veteranëve të vërtetë të luftës së UÇK-së nuk mund të jetë më shumë se 17 mijë. Sipas tij, me fryrje të listave po dëmtohet në vazhdimësi imazhi i luftës së UÇK-së dhe institucionet fare pak po merren me këtë çështje.

Qeriqi tha se nuk pajtohen në asnjë formë me listat aktuale të veteranëve, dhe se në vazhdimësi reagojnë për këtë.

Por sipas tij, institucionet nuk po punojnë shumë në zbardhjen e kësaj çështje.

Qeriqi: Maksimumi i numrit të veteranëve të vërtetë është 17 mijë

"Pra numri i veteranëve të vërtetë maksimumi mund të jetë 15 mijë deri në 17 mijë. Ne jemi të pakënaqur, kemi reaguar, por u mbetët institucioneve të Republikës së Kosovës që të ndërhynë në këtë proces dhe ta zgjedhin këtë problem..... Deri më tani pak janë duke u marrur por shpresojmë që në të ardhmen do të merren sepse kemi dëmtim të imazhit të luftëtarëve të vërtetë dhe po dëmtohet buxheti i Republikës së Kosovës" tha ai.

Ai tha se kjo çështje ka ndikuar shumë në dëmtimin e imazhit të Kosovës, por, sipas tij, ende ka shpresë se listat do të pastrohen.

Për KosovaPress, Qeriqi foli pas homazheve që i bëri në Prekaz sot bashkë me familjen e tij.

Qeriqi: Po nderojmë dëshmorët dhe komandantin legjendar

"Kemi ardh t'i nderojmë dëshmorët dhe komandantin legjendar Adem Jashari, për sakrificën dhe flijimin që e kanë bërë për lirinë të cilën po e gëzojmë sot", tha ai.      

Prekazin po vizitojnë sot njerëz nga të gjitha trojet shqiptare, ku po përkulën para varrezave të familjes Jashari, në ditëlindjen e komandantit legjendar Adem Jashari.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...