Gafa e dyfishtë e Bashës me datat. Rama s’e fal - Bota Sot
Gafa e dyfishtë e Bashës me datat. Rama s’e fal

Shqipëria

Gafa e dyfishtë e Bashës me datat. Rama s’e fal

Më: 28 nëntor 2018 Në ora: 15:14
Lulzim Basha

Demokratët u mblodhën në Varrezat e Dëshmorëve për të nderuar bashkë me Pavarësinë edhe Ditën e Çlirimit, duke vijuar traditën e injorimit të 29 Nëntorit.

Pas homazheve dhe himnit kombëtar, kryetari demokrat u ndal për një mesazh me gazetarët. Numrat nuk kanë qenë asnjëherë pika e fortë e Lulzim Bashës, por konfuzioni i datave duket se e hutoi.

“Gëzuar nga zemra të gjithë shqiptarëve ditën e shenjtë të flamurit, ditën e pavarësisë së lirisë së Shqipërisë. Sot përkulemi në ditën më të thellë përpara simbolit tonë kombëtar, flamurit të Kastriotëve që u ngrit për herë të parë në kështjellën e tyre në 1944… 1444”, tha Basha.

Kryedemokrati mendoi se e kaloi si një lapsus të korrigjuar shpejt, duke harruar se Skëndërbeu e ngriti flamurin në Krujë më 1443 e jo më 1444.

Gafën e dyfishtë nuk ia fali Edi Rama, që postoi videon në rrjetet sociale videon e duke u gajasur me kreun e opozitës.

Sipas Bashës, festat e nëntorit janë një mesazh edhe për shqiptarët e sotëm: “Për lirinë dhe demokracinë duhet luftuar çdo ditë. Jam sot në krah të atyre që janë ngritur për liritë dhe të drejtat e tyre”.

Thirrjen e ambasadores gjermane, që i kërkoi opozitës të kthehet në Parlament, Basha nuk preferoi ta komentonte: “Politikën, një ditë tjetër”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...