“Aktakuzat do ta tronditin PDK-në, AAK-në, NISMA-n dhe VV-në” - Bota Sot
“Aktakuzat do ta tronditin PDK-në, AAK-në, NISMA-n dhe VV-në”

Aktuale

“Aktakuzat do ta tronditin PDK-në, AAK-në, NISMA-n dhe VV-në”

Nga: N.H Më: 25 dhjetor 2018 Në ora: 23:51
Selia e Gjykatës Speciale

Lideri i VV-së Albin Kurti, ditë më parë ka thënë se është fatkeqësi që dialogu me Serbinë të përcaktohet nga presidenti Thaçi. Sipas Kurtit, përpjekjet e Thaçit që marrëveshja me shtetin serb të arrihet më së largu deri në pranverë, lidhen me Gjykatën Speciale.

E, lidhur me ketë çështje, ka folur njohësi i çështjeve juridike-kushtetuese, Blerim Burjani.

Burjani, ka thënë se minimumi që do i ndodhë presidentit aktual Hashim Thaçi është se ky i fundit do merret në cilësinë e dëshmitarit.

Image
Blerim Burjani

“Se a do të merret presidenti Hashim Thaçi nga Gjykata Speciale kjo ende nuk është e bërë e ditur, mirëpo një çështje dihet se minimumi është që Thaçi në Hagë do të merret në cilësinë e dëshmitarit. Kjo është çështje e hapur për Gjykatën se si do të sillet. Mbi 150 persona do të merren nga kjo Gjykatë, përderisa për aktakuza ende nuk dihet a do të fillojë në pranverë ngritja e aktakuzave të para”, ka thënë Burjani.

Me tej, ai ka shtuar se aktakuzat e para do të tronditin PDK-në, AAK-në, NISMA-n dhe VV-në.

“Aktakuzat do ta tronditin PDK-në, AAK-në, NISMA-n dhe VV-në. Dialogu së pari duhet të përfundojë. Gjykata ka punë njëherë me intervistime, shumë persona apo qindra do të dhënë deklarata. Në ketë temë ka edhe shumë spekulime. Ju e dini se gjykata është e pavarur, po sikur Prokuroria dhe Prokuroria vet është ajo që vendos se kur do të ngritën aktakuzat”, ka përfunduar Blerim Burjani për gazetën “Bota sot”.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera