Ministri i Punëve të Jashtëm, Behgjet Pacolli dhe zëvendësministrja e punëve të jashtme të Kosovës, Rejhan Vuniqi kanë marr pjesë në cerumenin e organizuar nga shteti shqiptar në Vlorë.
Pacolli së bashku me presidentin e Shqipërisë, Ilir Meta dhe kryeministrin Edi Rama kanë bërë homazhe te "Ushtari i panjohur", në kuadër të 106 vjetorit të pavarësisë së Shqipërisë.
Ndërsa, përmes një postimi në Facebook, zëvendësministrja e punëve të jashtme të Kosovës, Rejhan Vuniqi ka shkruar se ndihet e nderuar që po merr pjesë në këtë ceremoni.
Postimi i plotë:
E nderuar të marrë pjesë në ceremonitë zyrtare të organizuara në Vlorë me rastin e 106 vjetorit të Ditës së Flamurit.
Vlora, që nga 28 nëntori 1912, është shndërruar në një vend pelegrinazhi për Kombin tonë. Andaj, nga Vlora e bekuar, i uroj të gjithë shqiptarët për këtë përvjetor.