Presidenti Kosovës, Hashim Thaçi ka folur për takimin e djeshëm që kishte me ish-Presidentin amerikan, George Ë. Bush gjatë qëndrimit të tij në Dallas.
Presidenti Thaçi ka theksuar se ish-Presidenti amerikan Bush ka qenë dhe është një ndër mbështetësit më të mëdhenjë të shtetit të Kosovës. Ai ka kujtuar deklaratat e Bush-it gjatë vitit 2007, ku ka thënë se vendosmëria e tij ndaj pavarësisë së Kosovës kanë qenë të qarta.
“Të gjithëve na kujtohen deklaratat e Presidentit Bush në vitin 2007, kur ende kishte hezitim për shpalljen e pavarësisë së Kosovës dhe presidenti Bush kishte thënë se ishte koha e duhur që Kosova të pavarësohej pasi që ‘mjaft është mjaft’”, ka thënë Thaçi.
Thaçi ka thënë se presidenti Bush vazhdon ta përcjell nga afër situatën e Kosovës dhe vazhdon të na japë mbështetje të plotë edhe në procesin e arritjes së një marrëveshje përfundimtare me Serbinë.
