Të premten ka ndërruar jetë ish presidenti amerikan George Bush, në moshën 94 vjeçare.
Deputeti nga radhët e LDK-së, Lumir Abdixhiku, ka thënë se ai do të kujtohet gjithmonë si shpëtimtar i Kosovës, përcjell Bota sot.
Përmes një postimi në llogarinë e tij në Facebook, ai ka treguar mesazhin që Bush i kishte dërguar Millosheviqit për Kosovën, duke i thënë se nëse nisin konfliktin me Kosovën, SHBA do të ndërhynte ushtarakisht kundër tyre.
Postimi i tij i plotë:
Më 25 dhjetor 1992, në kohën e kërcënimeve për luftë e pastrim etnik ndaj Kosovës, Presidenti i atëhershëm i SHBA-ve George Bush (i vjetër) i kishte dërguar letër Slobodan Millosevicit. Letra përmbante një mesazh të thjeshtë:
“Në rast se ju nisni konlfikti të armatosur në Kosovë, Shtetet e Bashkuara të Amerikës do të intervenojnë ushtarakisht kundër jush” (citat i Neë York Times).
Mesazhi njihet si kërcënimi i kërshëndellave. Njihet si fillimi i mbrojtjes amerikane në Kosovë. Më 1999, pak vjet më pas, kërcënimi ishte bërë realitet. SHBA-të kishin nisur intervenimin ushtarak.
Kosova sot nderon Presidentin tashmë të ndjerë George Bush. Vija e tij e kuqe, ishte shpëtim për një vend e popull të tanë. Si shpëtimtarë, i njëjti, duhet të kujtohet gjithëherë.