(E plotësuar) - Komisioni për Integrime Evropiane ka miratuar tri projektligjet për FSK-në me amendamentet e komisionit funksional nga aspekti i përputhshmërisë me legjislacionin e BE-së. Teksa deputetët e këtij komisioni patën një adresim.
Ata thanë se mbetet e pakuptimtë që në terminologjinë juridike termi ‘Republikë’ përjashtohet nga tri projektligjet.
Deputeti i LDK-së, Armend Zemaj ka shprehur mbështetjen e tij për tri projektligjet, teksa ka dhënë vërejtjet e tij.
Zemaj: E pakuptimtë që termi ‘Republikë’ përjashtohet nga tri projektligjet
“Vërejtja ime dhe sugjerimi im është, duke marrë parasysh atë nëpër të cilën kalon gjithmonë Republika e Kosovës, sidomos tek fuqizimi i subjektiviteti i brendshëm dhe i jashtëm, akoma mbetet e pakuptimtë që në terminologjinë juridike termi ‘Republikë’ përjashtohet nga tri projektligjet... Për mua mbesin disi të cunguara nga terminologjia që nuk është në projektligje. Sido që të jetë, unë do t'i jap mbështetje, por me qëllim a pa qëllim, ne po rrëshqasim në disa elemente dhe po paraqesim njëfarë dobësimi të institucioneve kushtetuese", tha ai.
Ndërsa, deputeti Ismet Beqiri, tha se ky është një moment shumë i rëndësishëm për shtetin dhe sigurinë e tij. Duke folur për rëndësinë që ka miratimi i këtyre projektligjeve, së paku në këtë pikë nuk kanë dalluar pozita dhe opozita.
Ndërsa u shpreh optimistë se vërejtja e kolegut do të bie në vend, duke u bërë përmirësimet e nevojshme në një të ardhme të afërt.
Beqiri: Në një të ardhme të afërt të bëhet përmirësimi
“Ne s'kemi pse i ikim asnjëherë identitetit tonë të saktë që e sqaron identitetin tonë shtetëror dhe kushtetues. Sidoqoftë ne as për një shkronjë, as për shumë shkronja nuk do të bëhemi pengesë, por me mundësinë që nëse tash nuk është e mundshme, sigurisht në një të ardhme të afërt të bëhet përmirësimi”, tha ai.
Në këtë pikë u pajtua kryetarja e komisionit, Blerta Deliu – Kodra, teksa theksoi se projektligjet në fjalë janë në përputhshmëri me legjislacionin evropian.
Deliu – Kodra: Vërejtjet janë me vend, por ne e kryejmë punën që na takon
“Konsideroj se komisioni funksional, është dashur me e trajtu, ne si komision e kemi këqyr vetëm përputhshmërinë me legjislacion të Komisionit Evropian. Pajtohem se janë vërejtje me vend që janë parashtru, sidoqoftë ne e mbarojmë punën tonë që na takon”, u shpreh ajo.
Ajo tha se ndjehet mirë që sot si komision përmbyllën një obligim kushtetues, në të cilin u bashkuan pozita, opozita dhe komunitete.
***
Komisioni për Integrime Evropiane ka miratuar tri projektligjet për FSK-në me amendamentet e komisionit funksional nga aspekti i përputhshmërisë me legjislacionin e BE-së.
Blerta Deliu tha se projektligjet në fjalë janë në përputhshmëri me legjislacionin evropian.
Ajo tha se ndjehet mirë që sot si komision përmbyllën një obligim kushtetues, në të cilin u bashkuan pozita, opozita dhe komunitete).
Krahas përkrahjes që dhanë për projektligjin në fjalë, deputetët e LDK-së në këtë komision, dhanë vërejtjet e tyre.
Deputeti i LDK-së, Armend Zemaj ka shprehur mbështetjen e tij për tri projektligjet, teksa ka dhënë vërejtjet e tij.
"Vërejtja ime dhe sugjerimi im është, duke marrë parasysh atë nëpër të cilën kalon Republika e Kosovës, mbetet e papranueshme që termi Republikë mbetet jashtë tri projektligjeve. Unë do t'i jap mbështetje, por ne me qëllim a pa qëllim, po rrëshqasim ", tha ai.
Ndërsa, deputeti Ismet Beqiri, tha se ky është një moment shumë i rëndësishëm për Kosovën, ku nuk dallon pozita me opozitën.
"Ne s'kemi pse i ikim asnjëherë identitetit tonë të saktë që e sqaron identitetin tonë kushtetues. Ne nuk do të bëhemi pengesë, por në një të ardhme të afërt të bëhet përmirësimi i tij", u shpreh ai.
