Ambasadori i Rusisë në Serbi, Aleksandar Çepurin e ka quajtur farsë taksën e vendosur nga Qeveria e Kosovës për mallrat nga Serbia.
Sipas tij, pasojat e kësaj takse mund të jenë të shumta.
Ai vlerëson se vendime të tilla të Prishtinës janë pasojë e nervozës dhe bllokimit të rrugëdaljes, sepse, sipas tij, “ka gjithnjë e më shumë vendeve që po heqin dorë nga vendimi për pranimin e pavarësisë së Kosovës”.
“Tashmë 11 vende e kanë tërhequr vendimin për njohje të Kosovës. Kjo tendencë e ka nervozuar Prishtinës”, ka thënë ai.
Kosova, sipas tij, ka pritur që do të hyjë në Interpol, por atje pësuan katastrofe dhe kjo i shtoi edhe më shumë nervozën Prishtinës.