Kurti: Kërkojmë dorëheqjen e Qeverisë, e cila tash më është tërhequr

Aktuale

Kurti: Kërkojmë dorëheqjen e Qeverisë, e cila tash më është tërhequr

Më: 4 dhjetor 2018 Në ora: 23:03
Albin Kurti

Arsyeja kryesore për vonesën e liberalizimit të vizave është dështimi total për luftën kundër krimit të organizuar dhe korrupsionit të lartë, është shprehur kryetari i Lëvizjes Vetëvendosje, Albin Kurti, gjatë seancës së sotme të jashtëzakonshme të thirrur nga opozita.

Sipas tij, qytetari i Kosovës më shumë i ka gjasat të fitojë azilin politik, se sa heqjen e vizave.

Kurti: Qytetari i Kosovës më shumë i ka gjasat të fitoj azil politik

“Në anën tjetër KDI dhe Transparence International Kosovën e kanë përdorur tokë-fjalëshin, kapje e shtetit. Situata thonë nuk është vetëm korrupsion, sepse është kapje e shtetit. Kjo do të thotë se në Kosovë  nuk mund të flitet  korrupsion dhe krim të organizuar, sepse krimi është i istitucionacionalizuar, krimi i organizuar megjithatë ndodh  jashtë strukturave shtetërore, ndërkaq në shtetin e kapur  nuk ka më as krim të organizuar, as korrupsion, sepse ka krim të institucionalizuar”, tha ai

Ai po ashtu ka thënë se liberalizimi i vizave nuk është prioritet i qytetarëve, por më shumë i qeveritarëve dhe ka kërkuar  dorëheqjen e qeveritarëve, që sipas tij tani më janë tërhequr.

Kurti: Kërkojmë dorëheqjen e Qeverisë

 

“Ne po kërkojmë dorëheqjen e qeverisë, e cila tash më është tërhequr, këtu janë 22 ulëse, nuk është as një ministër, i kemi pesë zëvndëskryeministra, kryeministrin dhe 23 ministra që bëjnë gjithsej 29. Prej 29 qeveritarëve asnjëri prej tyre nuk ndodhet në këtë seancë. Pra kemi një qeveri që tash më është tërhequr. Ne po kërkojmë dorëheqjen e një qeverie, të tërhequr, se Qeveria nuk është këtu”, ka përfunduar Kurti.

commentFirst article
Sot mund të lexoni Shfletoni kopertinat