Deputeti i Aleancës për Ardhmërinë e Kosovës, Murrahem Nitaj, përmes një postimi në Facebook thotë se ka përfunduar intervistimi i dëshmitarëve për rastin e dëbimit të 6 shtetasve turq.
Nitaj thotë se Komisioni Hetimor Parlamentar ka për detyrë të përpilojë raportin me shkelje që janë bërë, që kjo të shërbejë që Kosova kurrë më të mos e bëjë edhe një tjetër gabim si ky.
Ja shkrimi i tij i plotë:
Sot ka përfunduar intervistimi i dëshmitarëve për rastin e dëbimit të 6 shtetasve turq në fundmarsin e këtij viti.
Një proces shumë i mundimshëm dhe me plot ngatërresa në vendimmarrje e në zbatim. Komisioni hetimor parlamentar, pjesë e të cilit jam edhe unë, ka për detyrë të përpilojë raportin me shkelje që janë bërë, që kjo të na shërbejë që Kosova kurrë më të mos e bëjë edhe një tjetër gabim si ky!
Krejt çka na duhet në këtë moment është ta përpilojmë një raport faktografik e jo politik.
